Superliga 20-turi doirasida OKMK mehmonda «Paxtakor» jamoasiga qarshi maydonga chiqadi.

Ayni paytda jamoalar turnir jadvalida birinchi va beshinchi pog‘onalarni band etib turishibdi. «Sher»lar musobaqada o‘tkazilgan barcha 19 uchrashuvdan so‘ng 42 ochko jamg‘arishgan bo‘lsa, «konchilar» 19 o‘yinda 29 ochko to‘plagan.

Jamoalarning o‘zaro uchrashuvlari tarixiga nazar solsak, barcha musobaqalardagi o‘tkazilgan o‘yinlarda katta ustunlik «sher»lar tarafida.

34 o‘yindan 5tasida OKMK g‘alaba qayd etgan, «Paxtakor»da esa 25 g‘alaba mavjud va qolgan 4 bellashuvda durang qayd etilgan.