Madridning “Real” klubi qanot himoyachisi Nacho Fernandes Ispaniya chempionatining 8-tur uchrashuvi yakunida “Jirona” yarim himoyachisi Kristian Portudan qo‘pol qoidabuzarlik uchun uzr so‘radi. Ushbu qoidabuzarlik uchun "Qirollik klubi" futbolchisi qizil kartochka bilan jazolandi.
"Raqibimdan qilgan harakatlarim uchun uzr so‘rayman. Men butun faoliyatim davomida bo‘lgani kabi bugun ham hech kimni xafa qilishni xohlamadim. Umid qilamanki, u tezroq safga qaytadi”, - deb post qoldirdi Nacho ijtimoiy tarmoqda.
Eslatib o‘tamiz, kechagi o‘yin 3:0 hisobida "Real"ning ishonchli g‘alabasi bilan yakunlangan edi. Ushbu muvaffaqiyatdan so‘ng madridliklar yana La Ligada birinchi o‘ringa qaytishdi.
