Мадриднинг “Реал” клуби қанот ҳимоячиси Начо Фернандес Испания чемпионатининг 8-тур учрашуви якунида “Жирона” ярим ҳимоячиси Кристиан Портудан қўпол қоидабузарлик учун узр сўради. Ушбу қоидабузарлик учун "Қироллик клуби" футболчиси қизил карточка билан жазоланди.
"Рақибимдан қилган ҳаракатларим учун узр сўрайман. Мен бутун фаолиятим давомида бўлгани каби бугун ҳам ҳеч кимни хафа қилишни хоҳламадим. Умид қиламанки, у тезроқ сафга қайтади”, - деб пост қолдирди Начо ижтимоий тармоқда.
Эслатиб ўтамиз, кечаги ўйин 3:0 ҳисобида "Реал"нинг ишончли ғалабаси билан якунланган эди. Ушбу муваффақиятдан сўнг мадридликлар яна Ла Лигада биринчи ўринга қайтишди.