Xabaringiz bor, Osiyo Chempionlar Ligasi “D” guruhi, 2-turidan o‘rin olgan bahsda "Navbahor" o‘z maydonida Hindistonning “Mumbay Siti” klubiga qarshi maydonga tushadi.
“Mumbay Siti” Mumbay shahri sharafini himoya qiladi va jamoa 2014 yil, 30 avgustda tashkil topgan.
Klub xo‘jayini hamda prezidenti taniqli hind aktyori Ranbir Kapur hisoblanadi.
Bo‘lajak raqib tarkibida avvalgi mavsumlar davomida bir qator xorijlik mashhur futbolchilar o‘ynagan. Ular qatorida fransiyalik hujumchi, Yevro-2000 g‘olibi Nikolya Anelka, shuningdek, urugvaylik hujumchi Diyego Forlan, shvesiyalik yarim himoyachi Freddi Yungberg, germaniyalik himoyachi Manuyel Fridrix va chexiyalik himoyachi Pavel Chmovshni keltirish joiz.
Raqibi o‘tgan mavsumda Hindiston Premyer-ligasida chempionlik unvonini qo‘lga kiritib, OCHL yo‘llanmasiga ega chiqqan.
Jamoani ayni paytda angliyalik murabbiy Desmond Bukingem boshqarmoqda.
Eslatib o‘tamiz, “Navbahor” – “Mumbay Siti” uchrashuvi bugun soat 19:00 da start oladi.
