«Barselona» futbolchisi Gavi jamoaga yangi kelgan Joau Feliks va Joau Kanseloning o‘yinini yuqori baholadi.
Kataloniya klubi portugaliyalik futbolchilarni mos ravishda «Atletiko Madrid» va «Manchester Siti»dan ijaraga oldi.
Ikkala o‘yinchi ham Xavi Ernandesning tarkibiga tezda moslashishdi va «ko‘k-anorranglilar» uchun birinchi bahslardayoq ajoyib o‘yin ko‘rsatishdi.
«Ikkalasi ham klubga juda tez moslashdi. Feliks mening qanotimda o‘ynaydi, shuning uchun men u bilan tez-tez uchrashishim mumkin, ammo ikkalasini ham qiziqish bilan kuzataman.
Ularsiz biz ba’zi o‘yinlarda g‘alaba qozona olmagan bo‘lardik», - deya Gavining so‘zlarini keltiradi Barca Universal.
