«Барселона» футболчиси Гави жамоага янги келган Жоау Феликс ва Жоау Канселонинг ўйинини юқори баҳолади.
Каталония клуби португалиялик футболчиларни мос равишда «Атлетико Мадрид» ва «Манчестер Сити»дан ижарага олди.
Иккала ўйинчи ҳам Хави Эрнандеснинг таркибига тезда мослашишди ва «кўк-анорранглилар» учун биринчи баҳслардаёқ ажойиб ўйин кўрсатишди.
«Иккаласи ҳам клубга жуда тез мослашди. Феликс менинг қанотимда ўйнайди, шунинг учун мен у билан тез-тез учрашишим мумкин, аммо иккаласини ҳам қизиқиш билан кузатаман.
Уларсиз биз баъзи ўйинларда ғалаба қозона олмаган бўлардик», - дея Гавининг сўзларини келтиради Barca Universal.
