"Nyukasl" yarim himoyachisi Sandro Tonalidan ayrildi - italiyalik futbolchi pul tikish qoidalarini buzgani uchun o‘n oyga diskvalifikasiya qilindi. Mish-mishlarga ko‘ra, "qarg‘alar" endi qishda yarim himoyada yangi o‘yinchi sotib olmoqchi, Ruben Nevesh bu borada ustuvor nomzod. O JOGO xabariga ko‘ra, 26 yoshli futbolchi "Nyukasl"ga o‘tmoqchi.
Eslatib o‘tamiz, joriy yilning yozida Ruben Nevesh "Vulverxempton"dan "Al-Hilol"ga ko‘chib o‘tgandi. Hozir portugaliyalik futbolchi Premyer-ligaga qaytishi mumkin - "Nyukasl" Neveshni mavsumning ikkinchi qismida ijaraga olishi mumkin.
