Kolumbiya milliy polisiyasi direktori general Uilyam Rene Salamanka "Liverpul" hujumchisi Luis Diasning otasi qayerda ekanligi haqidagi ma’lumot uchun 10,5 ming yevrogacha mukofot puli e’lon qildi, deb xabar bermoqda BBC Sport nashri.
Manbaga ko‘ra, 120 dan ortiq askar polisiya bilan birgalikda Kolumbiya shimolida futbolchining otasini qidirmoqda. Armiya bayonotida aytilishicha, garovga olinganlarni qidirish uchun yo‘l to‘siqlari o‘rnatilib, ikkita motorli vzvod, uchuvchisiz uchish apparatlari, vertolyotlar va bir radar samolyoti safarbar etilgan.
Avvalroq Kolumbiya prokurori Fransisko Barbosa Diasning o‘g‘irlab ketilgan otasi Venesuelada bo‘lishi mumkinligini ma’lum qilgandi.
Eslatib o‘tamiz, OAV xabariga ko‘ra, Diasning ota-onasi futbolchining tug‘ilib o‘sgan shahri Kolumbiyaning Guaxira departamentidagi Barrankas shahrida mashina haydab ketayotib, ularning yo‘lini motosiklda o‘g‘irlaganlar to‘sib qo‘yishgan. Kolumbiyalik futbolchining onasi va otasi o‘g‘irlab ketilgan joydan o‘z mashinasida olib ketilgan. Avvalroq futbolchining onasi qutqarilgani haqida xabar berilgandi.
