Xarri Keyn Xarri Maguayrni Angliya tarixidagi eng yaxshi himoyachilardan biri deb atadi.
«Bavariya» va Angliya terma jamoasi hujumchisi «Manchester Yunayted» himoyachisini birga o‘ynagan eng yaxshi futbolchilari ro‘yxatiga kiritdi.
«Xarri, shubhasiz, Angliya tarixidagi eng yaxshi himoyachilardan biri. Odamlar o‘z fikrlarini bildirish huquqiga ega va ba’zida ular ijtimoiy tarmoqlarda yozgan narsalariga juda emosional tarzda berilib ketishadi, lekin Xarri kuchli xarakterga ega.
Angliya termasida unga hech qanday shubhamiz yo‘q. Xarri biz uchun qanchalik muhimligini jamoadagi barcha biladi», - dedi Keyn.
