"Brayton" o‘zining rasmiy sayti orqali hujumchi Evan Fergyuson bilan shartnoma uzaytirilganini e’lon qildi. 19 yoshli irlandiyalik futbolchi 2028/2029 yilgi mavsum oxirigacha mo‘ljallangan mehnat shartnomasini imzoladi.
Eslatib o‘tamiz, Fergyuson oktyabr oyida Transfermarkt portalini qayta baholash natijalariga ko‘ra APLning eng narxi tez ko‘tarilgan futbolchisiga aylangandi. OAV xabarlariga ko‘ra, Evanga ko‘plab top-klublar qiziqish bildirmoqda.
2023/2024 yilgi Angliya chempionatida Evan Fergyuson 11 ta o‘yin o‘tkazdi. Ularda yosh hujumchi beshta gol urdi.
"Brayton" hozirda Premyer-liga turnir jadvalida 7-o‘rinda bormoqda.
