Londonning "Chelsi" klubi o‘tgan yozda "Vilyarreal"dan 38 million yevro evaziga jamoaga kelib qo‘shilgan hujumchisi Nikolas Jeksonga ishonch bildirishda davom etmoqda.
Jekson bu mavsumda ko‘p vaziyatlarni ko‘kka sovurgani uchun tez-tez tanqid qilindi, ammo agar jurnalist Adrian Kajumbaning fikricha, rahbariyat senegallik futbolchiga ishonishda davom etmoqda. Nikolasning o‘zi ham o‘ziga ishonadi va qattiq ishlashda davom etadi.
Eslatib o‘tamiz, Angliya Premyer-ligasining so‘nggi turida Jekson London derbisida "Tottenxem"ga qarshi o‘yinda xet-trik qayd etgandi. Umuman, senegallik forvard joriy chempionatda 5 ta gol urdi.
