Myunxenning «Bavariya» klubi yanvardagi transfer oynasida 3 nafar futbolchini sotib olishni rejalashtirmoqda.

Jurnalist Nikolo Skiraning ma’lumotlariga ko‘ra, Tomas Tuxel jamoasi qishda uchta pozisiyani mustahkamlamoqchi.

Manbaga ko‘ra, «qizil mashina» markaziy himoyachi, o‘ng qanot himoyachisi va tayanch yarim himoyachi sotib olmoqchi.

Klub markazda ham, himoyaning o‘ng qanotida ham bo‘sh o‘rinni to‘ldira oladigan futbolchi topishga harakat qiladi. Bu «Bavariya»ga transferlar sonini ikkitaga qisqartirish imkonini beradi.

Avvalroq «Bavariya» «Arsenal» himoyachisi Takexiro Tomiyasu va «Fulxem» yarim himoyachisi Joau Palinyaga qiziqish bildirayotgan edi.