Мюнхеннинг «Бавария» клуби январдаги трансфер ойнасида 3 нафар футболчини сотиб олишни режалаштирмоқда.

Журналист Николо Скиранинг маълумотларига кўра, Томас Тухель жамоаси қишда учта позицияни мустаҳкамламоқчи.

Манбага кўра, «қизил машина» марказий ҳимоячи, ўнг қанот ҳимоячиси ва таянч ярим ҳимоячи сотиб олмоқчи.

Клуб марказда ҳам, ҳимоянинг ўнг қанотида ҳам бўш ўринни тўлдира оладиган футболчи топишга ҳаракат қилади. Бу «Бавария»га трансферлар сонини иккитага қисқартириш имконини беради.

Аввалроқ «Бавария» «Арсенал» ҳимоячиси Такехиро Томиясу ва «Фулхэм» ярим ҳимоячиси Жоау Палиньяга қизиқиш билдираётган эди.