Kecha Eron futboli uchun noxush kun bo‘ldi. Milliy terma jamoa O‘zbekistonga qarshi o‘yinda 2:0 hisobidagi g‘alabani qo‘ldan chiqargan bo‘lsa, U-17 terma jamoasi Indoneziyadagi JCHda o‘z yurishini to‘xtatdi.

Eronlik o‘smirlarning nimchorak finaldagi penaltilar seriyasida Marokashga yengilishi natijasida, O‘zbekiston Osiyoning U-17 Jahon chempionatidagi so‘nggi vakili bo‘lib qolmoqda.

Darvoqe, Marokashning hattoki U-17 terma jamoasida ham Marokashda tug‘ilmagan futbolchilar soni 11 tani tashkil qilarkan: 3 ta niderlandiyalik, 3 ta fransiyalik, 2 ta germaniyalik va bittadan Belgiya, Italiya hamda BAAda tug‘ilgan futbolchilar.