Londonning «Chelsi» klubi sobiq himoyachisi Glen Jonson yarim himoyachi Koul Palmerni qaysi pozisiyada ko‘rishni xohlashini aytdi.
Eslatib o‘tamiz, ingliz futbolchisi o‘tgan yozda «Manchester Siti»dan «ko‘klar» safiga kelib qo‘shilgandi.
«Men Palmerni markazda, hujumchi ostidagi pozisiyada ko‘rishni afzal ko‘raman. Menimcha, u to‘g‘ridan to‘g‘ri qanot himoyachilari bilan kurasha oladigan darajada tez yoki kuchli emas.
U markazda o‘zining eng yaxshi o‘yinini ko‘rsata oladi, u yerda o‘tkir paslar bera oladi», - deya Jonsonning so‘zlarini keltiradi jurnalist Saymon Fillips.
