Fransiya chempionatining 13-turidan o‘rin olgan markaziy uchrashuvda «PSJ» «Monako»ni qabul qilib, yirik 5:2 hisobida g‘alaba qozondi.

Parijliklar bosh murabbiyi Luis Enrike uchrashuv haqidagi taassurotlari bilan o‘rtoqlashdi.

«Ajoyib natija, ayniqsa bu xalqaro tanaffusdan keyingi birinchi o‘yin bo‘lgani uchun. Xalqaro tanaffusdan keyin o‘ynash oson emasligini hamma biladi.

Bu uchrashuv oldidan biz bir-ikkita mashg‘ulot o‘tkazdik. Bu muvaffaqiyat jamoani yanada kuchliroq qilib birlashtirdi», - deya Enrikening so‘zlarini keltiradi parijliklar matbuot xizmati.