"Bavariya" himoyachisi Alfonso Devis joriy mavsum yakunlanganidan keyin Myunxen klubini tark etishni rejalashtirmoqda. Uning xizmatlariga "Real Madrid" qiziqish bildirmoqda.

"Los-Blankos" 23 yoshli kanadalik futbolchining vakillari bilan yaqin aloqalarni yo‘lga qo‘ygan va bu uning hozirgi jamoasidagi kelajagiga jiddiy ta’sir ko‘rsatgan.

Myunxenliklar jamoasining asosiy himoyachisi klub bilan shartnomasini uzaytirish bo‘yicha takliflarga e’tibor bermayapti va tobora "Real"ga o‘tishga moyil bo‘lmoqda, deb xabar beradi Relevo nashri.

Eslatib o‘tamiz, Devis “Bavariya”da 2019 yildan buyon o‘ynab kelmoqda va uning myunxenliklar bilan amaldagi shartnomasi 2025 yilning iyunigacha amal qiladi. Joriy mavsumda chap qanot himoyachisi myunxenliklar safida barcha musobaqalarda 19 ta o‘yinda maydonga tushib, 3 ta golli uzatmani amalga oshirdi.