"Бавария" ҳимоячиси Альфонсо Дэвис жорий мавсум якунланганидан кейин Мюнхен клубини тарк этишни режалаштирмоқда. Унинг хизматларига "Реал Мадрид" қизиқиш билдирмоқда.
"Лос-Бланкос" 23 ёшли канадалик футболчининг вакиллари билан яқин алоқаларни йўлга қўйган ва бу унинг ҳозирги жамоасидаги келажагига жиддий таъсир кўрсатган.
Мюнхенликлар жамоасининг асосий ҳимоячиси клуб билан шартномасини узайтириш бўйича таклифларга эътибор бермаяпти ва тобора "Реал"га ўтишга мойил бўлмоқда, деб хабар беради Relevo нашри.
Эслатиб ўтамиз, Дэвис “Бавария”да 2019 йилдан буён ўйнаб келмоқда ва унинг мюнхенликлар билан амалдаги шартномаси 2025 йилнинг июнигача амал қилади. Жорий мавсумда чап қанот ҳимоячиси мюнхенликлар сафида барча мусобақаларда 19 та ўйинда майдонга тушиб, 3 та голли узатмани амалга оширди.
