«Manchester Yunayted»da o‘ynayotgan ikki futbolchi faoliyatini Turinning «Yuventus» klubida davom ettirishi mumkin. Bu haqda Corriere dello Sport nashri jurnalistlari xabar bermoqda.

Manba bergan xabarga ko‘ra, «keksa sinyora» yanvar oyidagi transfer oynasida yarim himoyachi Donni van de Bek va vinger Jeydon Sancho bilan shartnoma imzolashga harakat qiladi. Har ikki futbolchi ham bu mavsumda «qizil iblislar» tarkibiga kiritilmagan.

Kelishuv juda real ko‘rinadi, chunki «Manchester Yunayted» bosh murabbiyi Erik ten Xag bu futbolchilarga qiziqmayapti.