"Manchester Siti" himoyachisi Yoshko Gvardiol jamoaning himoyadagi muammolari haqida gapirdi.

Yakshanba kuni bo‘lib o‘tgan APL doirasidagi o‘yinda "shaharliklar" "Tottenxem"dan uchta gol o‘tkazib yubordi va g‘alabani saqlab qola olmadi (3:3).

“Biz o‘yinni tahlil qilib, yo‘l qo‘ygan xatolarimizni o‘rganishimiz kerak. Biz har bir o‘yinda gol o‘tkazib yuborishni to‘xtatishimiz kerak, ammo shuni ham ta’kidlash kerakki, “Tottenxem” hujumda ancha xavfli – bu jamoada tezkor futbolchilar ko‘p, ular qanday hujum qilishni juda yaxshi bilishadi”, – deya xorvatiyalikning so‘zlaridan iqtibos keltiradi “Manchester Siti” matbuot xizmati.