"Chelsi" yarim himoyachisi Moyses Kaysedoning agenti Ali Barat mijozining "Stemford Brij"ga o‘tishi tafsilotlari haqida gapirdi. Eslatib o‘tamiz, “pensionerlar” ekvadorlik futbolchini yozda “Brayton”dan 117 million yevro evaziga sotib olgandi.
“Moysesning transfer kelishuvi juda keskin edi. "Chelsi"ga o‘tishdan oldin "Arsenal" va "Liverpul" Kaysedoni ushlab qolishga harakat qilishdi. Bu men uchun ajoyib tajriba bo‘ldi”, — deya Barat so‘zlarini keltiradi jurnalist Fabrisio Romano.
Barat yaqinda yilning eng yaxshi futbol agenti uchun mukofot oldi. Kaysedo joriy mavsumda Premyer-ligada 12 ta o‘yinda maydonga tushdi.
