"Челси" ярим ҳимоячиси Мойсес Кайседонинг агенти Али Барат мижозининг "Стемфорд Бриж"га ўтиши тафсилотлари ҳақида гапирди. Эслатиб ўтамиз, “пенсионерлар” эквадорлик футболчини ёзда “Брайтон”дан 117 миллион евро эвазига сотиб олганди.
“Мойсеснинг трансфер келишуви жуда кескин эди. "Челси"га ўтишдан олдин "Арсенал" ва "Ливерпуль" Кайседони ушлаб қолишга ҳаракат қилишди. Бу мен учун ажойиб тажриба бўлди”, — дея Барат сўзларини келтиради журналист Фабрицио Романо.
Барат яқинда йилнинг энг яхши футбол агенти учун мукофот олди. Кайседо жорий мавсумда Премьер-лигада 12 та ўйинда майдонга тушди.
