«Chelsi» bosh murabbiyi Maurisio Pochettino yana kadrlar muammosidan nolidi.
Ertangi «Manchester Yunayted» bilan o‘yinda «ko‘klar» 10 nafar futbolchisiz o‘ynashga majbur bo‘ladi.
«Tarkibimdan mamnunman, ammo biz kutilmagan jarohatlar bilan kurashishimiz kerak, bu muammo. Ertaga ko‘rasizlar, kadrlar vaziyatidan kelib chiqib, qanchadan qancha yosh futbolchilar akademiyadan tarkibga jalb etilgan.
Gallaxer va Ugochukvusiz yarim himoyada katta o‘zgarishlar bo‘lmaydi. Mavjud tarkibni ko‘rsangiz, asosiy tarkibni taxmin qilish qiyin bo‘lmaydi.
Menda ko‘p variantlar yo‘q, lekin men baxtliman va yaxshi o‘yin o‘tkazganimizga ishonchim komil», - dedi Pochettino matbuot anjumanida.
