«Челси» бош мураббийи Маурисио Почеттино яна кадрлар муаммосидан нолиди.
Эртанги «Манчестер Юнайтед» билан ўйинда «кўклар» 10 нафар футболчисиз ўйнашга мажбур бўлади.
«Таркибимдан мамнунман, аммо биз кутилмаган жароҳатлар билан курашишимиз керак, бу муаммо. Эртага кўрасизлар, кадрлар вазиятидан келиб чиқиб, қанчадан қанча ёш футболчилар академиядан таркибга жалб этилган.
Галлахер ва Угочуквусиз ярим ҳимояда катта ўзгаришлар бўлмайди. Мавжуд таркибни кўрсангиз, асосий таркибни тахмин қилиш қийин бўлмайди.
Менда кўп вариантлар йўқ, лекин мен бахтлиман ва яхши ўйин ўтказганимизга ишончим комил», - деди Почеттино матбуот анжуманида.
