Turinning "Yuventus" klubi yarim himoyachisi Kenan Yildiz birdaniga to‘rtta klubning qiziqishlari doirasiga tushib qoldi.
La Gazzetta dello Sport nashrining xabariga ko‘ra, 18 yoshli turkiyalik futbolchiga Londonning "Arsenal", "Liverpul", "Leypsig" va Dortmundning "Borussiya" klublari e’tibor qaratmoqda.
Yildizning "Yuventus" bilan shartnomasi 2027 yilgacha tuzilgan, biroq futbolchi barqaror o‘yin amaliyotiga ega emas va u o‘yin vaqti kafolatlangan joyga ko‘chib o‘tmoqchi.
Joriy mavsumda Yildiz Italiya A Seriyasida 5 ta o‘yinda maydonga tushdi. Kenan avvalroq "Bavariya" akademiyasida taxminan 10 yil o‘tkazgan.
