Туриннинг "Ювентус" клуби ярим ҳимоячиси Кенан Йилдиз бирданига тўртта клубнинг қизиқишлари доирасига тушиб қолди.
La Gazzetta dello Sport нашрининг хабарига кўра, 18 ёшли туркиялик футболчига Лондоннинг "Арсенал", "Ливерпуль", "Лейпциг" ва Дортмунднинг "Боруссия" клублари эътибор қаратмоқда.
Йилдизнинг "Ювентус" билан шартномаси 2027 йилгача тузилган, бироқ футболчи барқарор ўйин амалиётига эга эмас ва у ўйин вақти кафолатланган жойга кўчиб ўтмоқчи.
Жорий мавсумда Йилдиз Италия А Сериясида 5 та ўйинда майдонга тушди. Кенан аввалроқ "Бавария" академиясида тахминан 10 йил ўтказган.
