«Real» himoyachisi Lukas Vaskes Jud Bellingemning joriy mavsumdagi o‘yinlari haqida fikr bildirdi.
Angliyalik yarim himoyachi joriy Ispaniya chempionatida 12 ta gol urib, turnir to‘purari bo‘ldi. 20 yoshli yarim himoyachi o‘tgan yozda Dortmundning «Borussiya»sidan 103 million yevro evaziga Karlo Anchelotti jamoasiga o‘tgan edi.
«Bellingem? Ajoyib futbolchi. Birinchi mashg‘ulotdayoq Jud qanday yuqori saviyali o‘yinchi ekanligini payqagandik.
U qolganlardan kam ishlamaydi. Bellingem «Real»da o‘ynashni yaxshi ko‘radi. Umid qilamanki, u xuddi shunday ruhda davom etadi», - dedi Vaskes.
