«Реал» ҳимоячиси Лукас Васкес Жуд Беллингемнинг жорий мавсумдаги ўйинлари ҳақида фикр билдирди.

Англиялик ярим ҳимоячи жорий Испания чемпионатида 12 та гол уриб, турнир тўпурари бўлди. 20 ёшли ярим ҳимоячи ўтган ёзда Дортмунднинг «Боруссия»сидан 103 миллион евро эвазига Карло Анчелотти жамоасига ўтган эди.

«Беллингем? Ажойиб футболчи. Биринчи машғулотдаёқ Жуд қандай юқори савияли ўйинчи эканлигини пайқагандик.

У қолганлардан кам ишламайди. Беллингем «Реал»да ўйнашни яхши кўради. Умид қиламанки, у худди шундай руҳда давом этади», - деди Васкес.