O‘zbekiston terma jamoasidan o‘rtoqlik uchrashuvi o‘tkazish bo‘yicha rad javobini olgan BAA terma jamoasi, Qirg‘iz Respublikasiga qarshi maydonga tushadi.
O‘yin 30 dekabr kuni Abu Dabi shahrida bo‘lib o‘tadi. Bundan tashqari BAA terma jamoasi 2024 yilning 6 yanvar kuni Oman terma jamoasiga qarshi ham o‘rtoqlik uchrashuvi o‘tkazadi. Amirliklar 8 yanvar kuni Osiyo kubogida qatnashish uchun Qatarga jo‘nab ketishadi.
Eslatib o‘tamiz, hozirda Dubayda o‘quv-mashg‘ulot yig‘inini o‘tkazayotgan O‘zbekiston terma jamoasi, BAA bilan o‘rtoqlik uchrashuvi uchun Abu Dabiga borish va o‘yin sanasining noqulayligi tufayli mezbonlar taklifini rad etgan edi.
