Serxio Ramos Chempionlar ligasi tarixidagi eng ko‘p gol urgan himoyachiga aylandi.
75-daqiqada "Lans" himoyachisi Fakundo Medina o‘z jarima maydonchasi ichida "Sevilya" hujumchisi Yusef En-Nesirini yiqitdi. Himoyachi Serxio Ramos nuqtadan darvoza markaziga zarba berdi va darvozabon Bris Samba jamoasini qutqarib qoldi.
Darvozabon zarbadan oldin chiziqni tark etgani uchun bosh hakam Feliks Zveer “Sevilya” foydasiga yana penalti qayta ijro etilishini ma’lum qildi. Ikkinchi urinishda esa Ramos gol urishga muvaffaq bo‘ldi va hisobni tenglashtirdi – 1:1.
Bu ispaniyalikning Chempionlar ligasidagi 17-golidir. U Jerar Pike va Roberto Karlosni ortda qoldirib, himoyachilar uchun turnir rekordini o‘rnatdi.
