"Bavariya"ning o‘ng qanot himoyachisi Nusser Mazraui Chempionlar ligasi doirasida "Manchester Yunayted"ga qarshi o‘yinda jarohat oldi. Jurnalist Kerri Xouning so‘zlariga ko‘ra, marokashlik futbolchi keyingi 4-6 haftani o‘tkazib yuboradi.

Shu tariqa, futbolchining Afrika kubogidagi ishtiroki savol ostida qoldi. Biroq Mazraui turnirda jamoasiga yordam berish imkoniyatini hozircha inkor etmayapti. Nusser musobaqaning keyingi bosqichlarida maydonga tushishi mumkin.

Mazraui joriy mavsumda Bundesliganing 11 o‘yinida 3 ta golli uzatmani amalga oshirdi. 26 yoshli himoyachi ikkinchi mavsumini Germaniyada o‘tkazmoqda.