"Бавария"нинг ўнг қанот ҳимоячиси Нуссер Мазрауи Чемпионлар лигаси доирасида "Манчестер Юнайтед"га қарши ўйинда жароҳат олди. Журналист Кэрри Хоунинг сўзларига кўра, марокашлик футболчи кейинги 4-6 ҳафтани ўтказиб юборади.
Шу тариқа, футболчининг Африка кубогидаги иштироки савол остида қолди. Бироқ Мазрауи турнирда жамоасига ёрдам бериш имкониятини ҳозирча инкор этмаяпти. Нуссер мусобақанинг кейинги босқичларида майдонга тушиши мумкин.
Мазрауи жорий мавсумда Бундеслиганинг 11 ўйинида 3 та голли узатмани амалга оширди. 26 ёшли ҳимоячи иккинчи мавсумини Германияда ўтказмоқда.
