Madridning “Atletiko” klubi bosh murabbiyi Diyego Simeone La Liganing 18-turidan o‘rin olgan “Xetafe”ga qarshi o‘yindagi durang natijasi haqida fikr bildirdi. Uchrashuv 3:3 hisobida yakunlandi.
“Jamoa uch kunlik tanaffus bilan to‘rtinchi o‘yinni o‘tkazdi. Bu juda qiyin bo‘lishini tushungandik. Kuchlar teng bo‘lgan o‘yinni "Atletiko" nazorat ostiga oldi, ammo tanaffusdan keyin vaziyat yanada qiyinlashdi. Hakamning Savichni maydondan chetlatish haqidagi qaroridan keyin hammasi barbod bo‘ldi. O‘yin oxiriga kelib raqib bosimni oshirib, haqli ravishda durang qayd etdi", - dedi mutaxassis.
Ispaniya chempionatining 17-turi natijalariga ko‘ra, madridliklar 35 ochko jamg‘arib, turnir jadvalida to‘rtinchi o‘rinni egallab turibdi.
