Мадриднинг “Атлетико” клуби бош мураббийи Диего Симеоне Ла Лиганинг 18-туридан ўрин олган “Хетафе”га қарши ўйиндаги дуранг натижаси ҳақида фикр билдирди. Учрашув 3:3 ҳисобида якунланди.
“Жамоа уч кунлик танаффус билан тўртинчи ўйинни ўтказди. Бу жуда қийин бўлишини тушунгандик. Кучлар тенг бўлган ўйинни "Атлетико" назорат остига олди, аммо танаффусдан кейин вазият янада қийинлашди. Ҳакамнинг Савични майдондан четлатиш ҳақидаги қароридан кейин ҳаммаси барбод бўлди. Ўйин охирига келиб рақиб босимни ошириб, ҳақли равишда дуранг қайд этди", - деди мутахассис.
Испания чемпионатининг 17-тури натижаларига кўра, мадридликлар 35 очко жамғариб, турнир жадвалида тўртинчи ўринни эгаллаб турибди.
