UYEFA Chempionlar ligasi formatidagi o‘zgarishdan voz kechishni rejalashtirmoqda. Bu haqda Transfer News Live xabar bermoqda.
Ochig‘i, bunga UYEFA bilan bahsda Superliga tarafini olgan Yevropa sudi qarori sabab bo‘lishi mumkin.
Yevropaning bir qator klublari bunga qarshi chiqqan bo‘lsa-da, Superliga loyihasi yo‘lga qo‘yilishi mumkin.
Xabaringiz bor, kelasi mavsumdan boshlab Chempionlar ligasining guruh bosqichi bekor qilinishi rejalashtirilgan.
Buning o‘rniga, Shveysariya tizimi deb ataladigan 36 ta jamoa va o‘yinlardan iborat yagona liga bo‘ladi.
Ushbu bosqichda format sakkiz o‘yin kunini o‘z ichiga oladi. Endi, ko‘rib turganimizdek, UYEFA "orqaga o‘girilishi" mumkin.