УЕФA Чемпионлар лигаси форматидаги ўзгаришдан воз кечишни режалаштирмоқда. Бу ҳақда Transfer News Live хабар бермоқда.
Очиғи, бунга УЕФA билан баҳсда Суперлига тарафини олган Европа суди қарори сабаб бўлиши мумкин.
Европанинг бир қатор клублари бунга қарши чиққан бўлса-да, Суперлига лойиҳаси йўлга қўйилиши мумкин.
Хабарингиз бор, келаси мавсумдан бошлаб Чемпионлар лигасининг гуруҳ босқичи бекор қилиниши режалаштирилган.
Бунинг ўрнига, Швейцария тизими деб аталадиган 36 та жамоа ва ўйинлардан иборат ягона лига бўлади.
Ушбу босқичда формат саккиз ўйин кунини ўз ичига олади. Энди, кўриб турганимиздек, УЕФA "орқага ўгирилиши" мумкин.