Artyom Dovbik "Jirona"da ajoyib mavsumni o‘tkazmoqda. Uning jamoasi hozirda La Ligada ochkolar bo‘yicha “Real” bilan birinchi o‘rinni bo‘lishib turibdi, Dovbikning o‘zi esa to‘purarlar ro‘yxatida Antuan Grizmann bilan 2-o‘rinni bo‘lishib turibdi (ukrainalik va fransuz 11 tadan gol urgan).
Jurnalist Ekrem Konurning ijtimoiy tarmoqlarda xabar berishicha, 26 yoshli Dovbikga "Barselona", "Atletiko Madrid" hamda Angliya Premyer-ligasi klublari qiziqish bildirmoqda.
Eslatib o‘tamiz, Transfermarkt portali mutaxassislari Artyom Dovbikni 28 million yevroga baholamoqda.
"Jirona" navbatdagi o‘yinini 3 yanvar kuni o‘z maydonida "Atletiko"ga qarshi o‘tkazadi.
