Артём Довбик "Жирона"да ажойиб мавсумни ўтказмоқда. Унинг жамоаси ҳозирда Ла Лигада очколар бўйича “Реал” билан биринчи ўринни бўлишиб турибди, Довбикнинг ўзи эса тўпурарлар рўйхатида Антуан Гризманн билан 2-ўринни бўлишиб турибди (украиналик ва француз 11 тадан гол урган).
Журналист Экрем Конурнинг ижтимоий тармоқларда хабар беришича, 26 ёшли Довбикга "Барселона", "Атлетико Мадрид" ҳамда Англия Премьер-лигаси клублари қизиқиш билдирмоқда.
Эслатиб ўтамиз, Transfermarkt портали мутахассислари Артём Довбикни 28 миллион еврога баҳоламоқда.
"Жирона" навбатдаги ўйинини 3 январь куни ўз майдонида "Атлетико"га қарши ўтказади.
