«Барселона» ҳужумчиси ва сардори Рафинья Испания Ла Лигасида август ойининг энг яхши футболчиси деб топилди. Бу ҳақда мусобақа матбуот хизмати X ижтимоий тармоғида хабар берди.
Ўтган ойда бразилиялик ҳужумчи Ла Лиганинг учта учрашувида иштирок этиб, 5 та гол ва 1 та голли узатма қайд этди.
Рафинья «Эльче» (5:0) ва «Райо Вальекано» (5:2)га қарши учрашувларнинг ҳар бирида дубль қайд этди. Шунингдек, у Бильбаонинг «Атлетик» клубига қарши баҳсда (2:0) битта гол урди.
Футболчининг «Барселона» билан амалдаги шартномаси 2028 йил ёзигача мўлжалланган. Transfermarkt маълумотларига кўра, Рафиньянинг бозор қиймати 70 миллион еврони ташкил этади.
