"Atalanta" yarim himoyachisi Aleksey Miranchuk ijara asosida "Torino"ga o‘tishi mumkin. Bu haqda TuttoAtalanta xabar bermoqda. Manbaga ko‘ra, rossiyalik futbolchining xizmatlariga turinliklar jamoasi bosh murabbiyi Ivan Yurich qiziqmoqda.
Xorvatiyalik mutaxassisning fikricha, Miranchuk "Torino"ning hujum chizig‘iga yordam berishga qodir. Eslatib o‘tamiz, o‘tgan mavsumda Miranchuk "Torino" tarkibida 31 ta o‘yin o‘tkazib, 4 ta gol urgan va 6 ta golli uzatmani amalga oshirgan.
28 yoshli yarim himoyachining "Atalanta" bilan amaldagi shartnomasi 2025 yilning o‘rtalariga qadar mo‘ljallangan.