Serxi Robertoning "Barselona"dagi kelajagi noma’lumligicha qolmoqda.
Qanot himoyasida o‘ynay oladigan yarim himoyachining shartnomasi joriy mavsum oxirida tugaydi. Shartnomada hamkorlikni avtomatik ravishda bir yilga uzaytirish ko‘zda tutilgan, ammo "Barselona" bu variantni faollashtirishga shoshilmaydi - barchasi klubdagi og‘ir moliyaviy ahvol tufayli. Marca xabariga ko‘ra, 31 yoshli futbolchining kelajagi 2024 yildagi Kataloniya grandining iqtisodiy ahvoliga bog‘liq bo‘ladi.
Oldinroq ispan OAVlari Serxi Roberto yana bir mavsumni "Barselona"da o‘tkazish imkoniyati uchun maoshini kamaytirishga tayyorligini xabar qilgandi.