Серхи Робертонинг "Барселона"даги келажаги номаълумлигича қолмоқда.
Қанот ҳимоясида ўйнай оладиган ярим ҳимоячининг шартномаси жорий мавсум охирида тугайди. Шартномада ҳамкорликни автоматик равишда бир йилга узайтириш кўзда тутилган, аммо "Барселона" бу вариантни фаоллаштиришга шошилмайди - барчаси клубдаги оғир молиявий аҳвол туфайли. Marca хабарига кўра, 31 ёшли футболчининг келажаги 2024 йилдаги Каталония грандининг иқтисодий аҳволига боғлиқ бўлади.
Олдинроқ испан ОАВлари Серхи Роберто яна бир мавсумни "Барселона"да ўтказиш имконияти учун маошини камайтиришга тайёрлигини хабар қилганди.