"Barselona" sport direktori Deku transfer bozorini kuzatib, Kataloniya klubiga 35 yoshli Robert Levandovskining uzoq muddatga o‘rnini bosa oladigan hujumchi topishga harakat qilmoqda. Bu haqda Relevo xabar bermoqda.

Manbaga ko‘ra, Deku bu transfer shoshilinch ekanligiga ishonmaydi va avvaliga ushbu pozisiyaga barcha mumkin bo‘lgan nomzodlarni sinchiklab tahlil qilib, uni faqat yozda amalga oshirishga tayyor. Qayd etilishicha, "Barselona" yaqinda 18 yoshli hujumchi Vitor Rokeni sotib olganiga qaramay, yangi hujumchi topish ustida ish olib borilmoqda.

Eslatib o‘tamiz, joriy mavsum polshalik futbolchi barcha musobaqalarda 22 ta o‘yinda qatnashib, 9 ta gol va 5 ta golli uzatmani amalga oshirgan.