"Барселона" спорт директори Деку трансфер бозорини кузатиб, Каталония клубига 35 ёшли Роберт Левандовскининг узоқ муддатга ўрнини боса оладиган ҳужумчи топишга ҳаракат қилмоқда. Бу ҳақда Relevo хабар бермоқда.
Манбага кўра, Деку бу трансфер шошилинч эканлигига ишонмайди ва аввалига ушбу позицияга барча мумкин бўлган номзодларни синчиклаб таҳлил қилиб, уни фақат ёзда амалга оширишга тайёр. Қайд этилишича, "Барселона" яқинда 18 ёшли ҳужумчи Витор Рокени сотиб олганига қарамай, янги ҳужумчи топиш устида иш олиб борилмоқда.
Эслатиб ўтамиз, жорий мавсум польшалик футболчи барча мусобақаларда 22 та ўйинда қатнашиб, 9 та гол ва 5 та голли узатмани амалга оширган.
