Birmingemning "Aston Villa" klubi himoyaning chap qanotini kuchaytirish niyatida.
Todofichajes xabariga ko‘ra, "Roma"ning 30 yoshli hujumchisi Leonardo Spinassola ingliz klubining transfer short-listiga kiritilgan. "Sherlar" futbolchini joriy transfer oynasida qo‘lga kiritishga harakat qilishi mumkin. Spinassolaning Rim klubi bilan 2024 yilning iyuni oxirigacha shartnoma majburiyatlari bor. Himoyachining transfer narxi 7,5 million yevroni tashkil qiladi.
Italiya chempionatining joriy mavsumida Leonardo 14 ta o‘yin o‘tkazdi. Himoyachi bitta gol va ikkita golli uzatmani amalga oshirdi.
