“Metallurg” o‘zining sobiq o‘yinchilarini ortga qaytarishda davom etadi. Kuni kecha bekobodliklar 2020 yilgi mavsum “Metallurg” yoshlar tarkibida O‘zbekiston chempioni bo‘lgan Hazrat Tursunqulov bilan shartnoma imzoladi.

Hazrat Tursunqulov so‘nggi ikki mavsumni Pro liganing “Xorazm” hamda “Dinamo” jamoalarida o‘tkazdi. Katta o‘yin amaliyotiga ega bo‘ldi, mahoratini sayqallashtirdi. “Dinamo”ning Superligaga qaytishiga o‘zining munosib ulushini qo‘shdi.

Hazrat Tursunqulov qishki transfer oynasida “Metallurg” bilan kelishuvga erishgan sakkizinchi yangi o‘yinchi bo‘ldi. Unga qadar bekobodliklar Rahimjon Davronov, Marko Milichkovich, Boban Jorjevich, Sirojiddin Qo‘ziyev, Davronjon Ergashev, Abbos Otaxonov, Mirg‘iyos Sulaymonovlarni o‘z tarkibiga qo‘shib olgandi.