Madridning “Real” klubi bosh murabbiyi Karlo Anchelotti muxlislarning Aureliyen Tchuamenini tanqid qilgani haqida fikr bildirdi.
"Tchuameniga nisbatan qilinayotgan tanqidlar? Superkubok finalida u o‘zining eng yaxshi darajasini ko‘rsatdi. Balki u eng yaxshi o‘yinini o‘tkazdi", - dedi Anchelotti jurnalistlarga.
Eslatib o‘tamiz, Ispaniya Superkubogi final uchrashuvida “Real” “Barselona”ni 4:1 hisobida mag‘lub etib, o‘z g‘aznasiga navbatdagi sovrinni qo‘shib qo‘ydi.
Joriy mavsumda 23 yoshli Tchuameni barcha turnirlarni hisobga olgan holda 20 ta uchrashuvda qatnashib, bitta gol urdi.
21 yanvar kuni Madridning “Real” klubi La Liganing 21-turida “Almeriya”ga qarshi bahs olib boradi. Uchrashuvning boshlanishi Toshkent vaqti bilan 20:15 ga belgilangan.
