Мадриднинг “Реал” клуби бош мураббийи Карло Анчелотти мухлисларнинг Аурелиен Тчуаменини танқид қилгани ҳақида фикр билдирди.
"Тчуаменига нисбатан қилинаётган танқидлар? Суперкубок финалида у ўзининг энг яхши даражасини кўрсатди. Балки у энг яхши ўйинини ўтказди", - деди Анчелотти журналистларга.
Эслатиб ўтамиз, Испания Суперкубоги финал учрашувида “Реал” “Барселона”ни 4:1 ҳисобида мағлуб этиб, ўз ғазнасига навбатдаги совринни қўшиб қўйди.
Жорий мавсумда 23 ёшли Тчуамени барча турнирларни ҳисобга олган ҳолда 20 та учрашувда қатнашиб, битта гол урди.
21 январ куни Мадриднинг “Реал” клуби Ла Лиганинг 21-турида “Альмерия”га қарши баҳс олиб боради. Учрашувнинг бошланиши Тошкент вақти билан 20:15 га белгиланган.
