Колумбия терма жамоаси ва Мюнхеннинг «Бавария» клуби ҳужумкор ярим ҳимоячиси Луис Диас Саудия Арабистони чемпионати клубларидан бирининг манфаатлари доирасига тушиб қолди. Бу ҳақда инсайдер Джанлуиджи Лонгарининг ижтимоий тармоқдаги саҳифасида хабар берилган.
Манба маълумотларига кўра, «Ал-Ҳилол» раҳбарияти колумбиялик юлдузнинг трансферини амалга оширишни орзу қилмоқда. Аввалроқ Саудия клуби нидерландиялик вингер Крисенсио Саммервилл билан кучайган эди.
Бундеслиганинг ўтган мавсумида 29 ёшли Диас 32 та учрашувда майдонга тушиб, 15 та гол урди ва 14 та голли узатмага муаллифлик қилди. Колумбиялик футболчининг «Бавария» билан амалдаги шартномаси 2029 йилнинг июнь ойи охиригача мўлжалланган. Футболчининг бозор қиймати 70 миллион еврони ташкил этади.
