«РБ Лейпциг»нинг ҳужумкор ярим ҳимоячиси Ян Диоманде фаолиятини Испания чемпионатининг топ-клубида давом эттириши мумкин. Бу ҳақда инсайдер Николо Скиранинг ижтимоий тармоқдаги саҳифасида хабар берилган.

Мавжуд маълумотларга кўра, 19 ёшли ивуарлик вингер Мадриднинг «Реал» клубига ўтишга тайёр. Томонлар ўртасида шахсий шартнома шартлари бўйича ижобий музокаралар бўлиб ўтди.

Мадрид гранди тез орада футболчи бўйича янги таклиф билан қайтади. Аввалроқ Германия томони 100 миллион евролик суммани рад этган эди.

Германия чемпионатининг ўтган мавсумида Ян 33 та учрашув ўтказди. Вингер ўз ҳисобига 12 та гол ва 8 та голли узатма ёздириб қўйди.